اجراءات السفر لتركيا من مصر 2021

0

اجراءات السفر لتركيا من مصر 2018

1- الموافقة الامنية
2- استخراج الفيزا من السفارة
3- استخراج فيزا أونلاين

الموافقة الأمنية

– لو انت / انتي سنك من 18 لـ 40 سنة لازم تعمل موافقة أمنية علشان تسافر تركيا بغض النظر عن مهنتك.

خطوات استخراج الموافقة الأمنية

1- لو انت عندك مهنة فى الباسبور بتعمل فيزا سياحة أو زيارة أو عمل وبعد كده تروح مجمع التحرير وتصور الفيزا والباسبور وبتستلمها بعد 3 ايام عمل وتكلفتها نص جنيه(لازم تكون عارف اسم والدك خماسي وتاريخ ميلاده لأنهم بيطلبوهم منك هناك)

2- لو انت مكتوب عندك فى الباسبور طالب أو حاصل على (بكالوريوس او ليسانس أو دكتوراه) لازم تكون نوع الفيزا زيارة مش سياحة علشان تعمل الموافقة الأمنية، ولازم حد من تركيا يبعتلك دعوة مترجمة وموثقة

3- الموافقة الأمنية بتستلمها بعد 4 أيام وصلاحيتها شهرين من تاريخ الإستلام.

4- الموافقة الأمنية صلاحيتها شهرين من تاريخ الإستلام.

العنوان : مكتب رقم 15 – مكتب ظابط الإتصال – الدور الأول – مجمع التحرير
– ميدان التحرير – القاهرة (أقرب محطة مترو السادات)

خطوات استخراج الفيزا من السفارة

1- الأوراق المطلوبة ( جواز سفر ساري المفعول – كشف حساب بنكي على اخر 6 شهور فيه مبلغ مش اقل من 10.000 جنيه والأهم يكون عليه عمليات سحب وايداع كويسه، وكمان ينفع حساب الوالد أو الوالدة او دفتر توفير أو اي إثبات أملاك – خطاب من العمل “لو انت طالب أو طالبة بتجيب شهادة قيد من الجامعة” – حجز طيران وفندق مبدئي – صورتين شخصية 4×6 – الأبليكيشن اللى هتعمله من موقع السفارة + وتحديد الميعاد فى السفارة – تأمين طبي لمدة 3 شهور) تحديث بتاريخ 10 إبريل “التأمين الطبي لازم يكون 3 شهور” (الشركة بتساعدك في الأبلكيشن وحجز طيران وفندق مبدئي وتكلفة الأوراق 300 جنيه مصري) .

2- خطوات التقديم على الفيزا من خلال الموقع الرسمي من هنا فيزا تركيا
ولازم ترفع كل الأوراق على الموقع وتاخد ميعاد علشان تروح تقدم فى السفارة والإستلام بعد إسبوع والتكلفة 60 دولار أمريكي (تحديث بتاريخ 1 يناير 2017 ) للدخول مرة واحده ، والفيزا المتعددة بـ 200 دولار أمريكي. (مش هتدخل السفارة من غير ورقة الميعاد) (حاليا تقديم على الفيزا من خلال سنتر MZ ) .

طريقة استخراج فيزا أون لاين

1- يكون معاك حجز فندق بالفترة اللى هتقعد فيها فى تركيا و مبلغ 50$ على كل يوم.

2- تذاكر طيران ذهاب وعودة على (Turkish Airlines, Pegasus Airlines, Onur Air or Egypt Air.) النقطة دي مهمة جدا لأن فى طيران Alitalia شارتر بيطلع من مصر بس ده مش هينفع تسافر عليه لو انت معاك فيزا اون لاين.

3- باسبور صالح لمدة 6 شهور من تاريخ الدخول لتركيا.

4- سنك أقل من 20 سنة أو أكبر من 45 سنة، أو معاك فيزا أمريكا أو فيزا لأي دولة من دول الشنغن أو الملكة المتحدة او أيرلندا.

5- غرض السفر يكون السياحة أو العمل.

6- بتدفع رسوم الفيزا 20 دولار عن (Mastercard/Visa/UnionPay credit or debit card.) وبتستلم فيزا صالحة لمدة 180 يوم ولكن شرط الأقامة أقل من 30 يوم فى تركيا، بتستلم الفيزا على الإيميل وتطبعها وتطلع بيها على المطار من غير متروح السفارة وكمان من غير موافقة أمنية لو سنك أقل من 18 أو أكبر من 45 سنة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *