كلمات قصيدة اللي بيحبك يصونك عمرو حسن

كلمات قصيدة اللي بيحبك يصونك عمرو حسن

كلمات قصيدة اللي بيحبك يصونك
عمرو حسن

اللي بيحبك يصونك
يبقي نور ساكن عيونك
اللي بيحبك يهاودك
لما يظهر فيك جنونك
يبقي فرحك لما تحزن
لما كل الناس تخونك
اللي بيحبك يضمك
ولما تتكسر يلمك
تبقي حاسس أنه دمك
اللي بيحبك يشيلك
تندهله علطول يجيلك
يبقي عطشان من سبيلك
ممكنه من مستحيلك
تلقى دمعه سلسبيلك
يمسح الأحزان بكُمك
اللي بيحبك يحاوطك
يبقي مستحمل قساوتك
يبقي فاهم أمنياتك
إيه بتتمناه ف حياتك
جاف يقاوم استيكاتك
حضنه يشبه حضن امك
اللي بيحبك مرايتك
انت غايته وهو غايتك
يبقي حتة من حكايتك
يعني فاهمك من كلامك
من ملامحك وابتسامك
واما تكتر فيك الامك
يبقي متغرب بدونك
اللي بيحبك يشِّدك
لما تبقي وحيد ضعيف
يبقي اجمل حاجة عايشة
لما كل الكون سخيف
شخص لجل عيونك أنت
مستعد يعيش كفيف
شوف بقا مين اللي حبك
مين بيرهن عمره جنبك
أن لقيته بجد حبك
قول له كان الله ف عونك.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *