فـى كل مقبرة بنلاقي صندوق مليان تماثيل صغننة!
التماثيل دي إسمها (أوشابتي/ وشابتي),
بنطق قواميس الخواجات!
معنا الكلمة (وشابتي) = مجيب/ تحت الطلب/ فـ الخدمة!


وظيفة الـ (شابتي/ شبطة) ده,
إنه بيقوم بكل أعمال الخدمة لصالح  (المقبرة), بيزرع وبيحصد وبيخبز وبيبني وبيصلح كل حاجة!
شابط مع الفرعون

زاي العيل اللي شابط فـ ديل أمه!
عدد الشبطات دول بعدد أيام السنة,
يعني كل واحد بيشتغل يوم واحد بس فـ السنة,
طب لو المرحوم إحتاج أكتر من شغلانة فـ نفس اليوم؟
فيه تعويذة مكتوبة ع الـ (شبطة),
بمجرد ما يقراها الفرعون
يتخلق منه أربعين (شبطة),
يقومو بكل شغل اليوم ..
وده أصل المثل:
(يخلق من الشبه اربعين)!

الشبطة (شابتي/ وشابتي/ أوشابتي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *